Corona : Yadda aka samu karuwar masu dauke da cutar a Najeriya

Gwamnatin jihar Kano ta ce gwajin da aka yi wa mutane 93 na kwayar cutar Corona ya nuna cewa babu ko da mutum guda da ya kamu da cutar.

Ma’aikatar lafiya ta jihar Kano ce ta wallafa wannan bayani a shafinta na tiwita a daren jiya.

Sai dai cibiyar dakile yaduwar cututtuka ta kasa NCDC ta tabbatar da cewa mutane 131 ne suka kamu da cutar a Jihohi 18 na kasar nan da kuma birnin tarayya Abuja.

Cibiyar ta wallafa hakan ne a shafinta na tiwita a daren jiya, inda ta ce mutane biyu suka mutu a sanadiyyar cutar.