Covid-19: An kori limamin jumu’a a Kaduna

Kungiyar Jama’atu Izalatal Bid’a Wa’iqamatis Sunna ta kasa ta kori limamin masallacin juma’a na masallacin sheikh Abubakar Mahmoud Gumi da Kofar Gayan Low-Cost da ke garin Zaria a Jihar Kaduna sakamakon gaza gudanar da sallar juma’a a yau.

Shugaban kungiyar reshen kramar hukumar Zaria Sheikh Sani Yakubu ne ya shaidawa kamfanin dillacin labarai na kasa NAN a yau.

Limamin mai suna Malam Abubakar Sarki-Aminu wanda ya shafe shekaru kusan 40 yana jagorantar salla a masallacin, ya ce ba zai ci gaba da jagorantar sallar juma’ar ba sakamakon dokar hana fita da gamnatin Jihar Kaduna ta sanya a Jihar.