COVID- 19 : CBN ta rarraba tsabar kudi Naira biliyan 69

Babban bankin kasa CBN ya ce ya rarraba tsabar kudi Naira biliyan 69 cikin biliyan 100 da aka ware don tallafawa dai-daikun mutane da kuma masu kanana da matsakaitan sana’o’I da annobar Covid-19 ta shafa.

Wamnan babban bankin kasa CBN Godwin Emefile ne ya bayyana hakan yau a yayin bikin bude taron kungiyar ma’aikatan banki ta kasa karo na 13 a birnin tarayya Abuja.

Idan dai za’a iya tunawa a baya can babban bankin kasa CBN ya sanar da rabar da naira biliyan 50 ga masu kanana da matsakaitan masana’antu don karfafa jarin su da ya durkushe saboda Cutar Corona, inda aka dora musu kaso biyar a matsayin kudin ruwa.

Emefile ya kuma kara da cewa ‘yan Najeriya da dama sun amfana da wadannan kudade, kuma hakan babban al’amari ne da zai tallafawa talakawa amsu karamin karfi.