Covid-19: Sama da mutum 6000 ne suka mutu a Afirka

Sabbin alkaluman da aka samu na masu dauke da cutar Covid-19 a Afirka ya nuna cewa kowacce kasa ta samu guzurin cutar a nahiyar, da ke da mutane sama da biliyan daya da digo biyu.

Ya zuwa ranar 13 ga watan Yuni, yawan wadanda suka mutu sanadin kamuwa da cutar Coronavirus a nahiyar ya haura 6000, ciki kuwa har da mutuwar tsohon shugaban Jamhuriyar Congo Jacques Joachim Yhombi-Opango da tsohon Firaministan Somalia Nur Hassan Hussein.

Yanzu haka dai akwai mutum 225,105 da aka tabbatar suna dauke da cutar Covid-19, inda 102,846 suka warke daga cutar, kamr yadda hukumar dakile yaduwar cutuka ta Afirka ta tabbatar.