Covid-19: Wadanda suka warke daga Corona a Kano sun zarce na Abuja

Gwamnatin jihar Kano ta tabbatar da sallamar mutane 63 da suka warke daga cutar Covid-19 a jihar.

Wannan adadi dai ya sanya adadin wadanda suka warke a Kano ya zarce na birnin tarayya Abuja.

A alkaluman hukumar dakile yaduwar cutuka ta kasa NCDC na ranar Litinin yace mutane 53 ne suka warke daga cutar ta Corona a birnin Abuja wanda shi ne gari na biyu da cutar ta fara bulla a kasarnan.

Ma’aikatar lafiya ta jihar Kano sanar an shafinta na Twitter cewa zuwa ranar Litinin mutane 666 ne aka gano suna dauke da cutar a Kano.

32 daga ciki sun rasu, sai 63 da aka sallama bayan sun warke.

A ranar Litinin dinnan ne gwamnatin Kano ta tsawaita dokar kulle da zaman gida a jihar har tsawon mako guda.

Karin labarai:

Ganduje ya gana da sarakuna kan Coronavirus

Yadda cibiyar gwajin Corona ta Dangote ke aiki a Kano