COVID-19: ‘Yan wasan Newcastle sun dawo sansanin daukar horo

Kungiyar kwallon kafa ta Newcastle United ta bude filin horas da ‘yan wasanta da aka rufe sakamakon karuwar annobar cutar Corono.

An dai rufe filin wasan ne a ranar Litinin makon jiya bayan samun karuwar masu dauke da cutar cikin ‘yan wasan da aka yiwa gwaji.

Kungiyar ta kuma ce an killace ‘yan wasan da suka kamu da COVID-19 din tare da cigaba da karbar magani kafin su dawo filin daukar horon.

A sakamakon hakan ne kungiyar ta gaza samun damar horas da ‘yan wasan nata baki daya yayin da suke shirin karawa da Aston Villa a wasanta na farko a gasar Premier League, lamarin da ya sanya aka dake wasan a makon jiya.