Covid -19:Attajirai su tallafawa masu karamin karfi-Shehu Ashaka

Wani babban dan kasuwa  Alhaji Shehu Ashaka,  ya ja hankalin mawadata a  fadin jiha wajen bada gudunmowa da za ta ragewa mutane  radadin kuncin  rayuwa da ake ciki  musamman bayan bullar  cutar Corona a kasar nan.

Alhaji Shehu Ashaka ya bayyana hakan ne yayin da yake bada tallafin kayan masarufi na shinkafa buhu 400 da katan- katan na taliya da sauran kayan masarufi.

Labarai masu alaka.

Covid-19: Gwamnatin tarayya ta bada umarnin bayar da tallafi ga mabukata

Covid-19: Maryam Abacha ta tallafawa mabukata da kayan abinci

A nashi jawabin  shugaban cigaban  karamar hukumar Tsanyawa Alhaji Sanusi Abdullahi Nassarawa, ya ce baza suyi kasa a gwiwa ba wajen ganin sun tallafawa mutanen da suka fito daga yankin Tsanyawa.

Umar Idris Shu’aibu wakilin mu da ya halarci taron rabon  ya ruwaito cewar dattawan yankin sun yi alakawarin raba kayan tallafin ga garuruwan Dagatai da suke da su 21, bisa adalci da cancanta don saukaka wa talakawa yanayin halin  da ake ciki a yanzu.