Cutar fargaba na haifarwa ‘dan adam mummunar matsala: Dakta Idris Abubakar

Wani kwarraren likita a bangaren kula da lafiyar iyali dake asibitin kashi na Dala dake  a Jihar Kano, ya bayyana cewar ‘cutar fargaba na daya daga cikin cututukan da ke haifarwa mutane matsaloli da dama wajen gudanar da rayuwarsu’.

Dakta Idris Abubakar Abbas ne ya bayyana hakan, a tattaunawarsa da Freedom Radio.

wanda ya ce ‘kowa na iya samun kansa cikin wannan lalura, har ma ya bayyana alamominta’.

Likitan ya kuma bayyana cewa ‘ana gadon wannan cuta, don haka ya bukaci iyaye da su kula da yaransu, kuma da zarar sun ga sauyi su hanzarata ziyartar asibiti domin ganawa da kwarraru’.

Rahoton: Zahra’u Sani Abdullahi