Da ɗumi-ɗumi: Kano Pillars ta raba gari da mai horarwarta

Ƙungiyar Kano Pillars ta raba gari da mai horarwarta Ibrahim Musa Jugunu.

Jami’in yaɗa labaran ƙungiyar Lirwanu Idris Malikawa Garu ne ya sanar da hakan a daren Asabar.

Malikawa ya ce, hakan ya biyo bayan zaman da jami’an gudanarwar ƙungiyar suka yi.

Ya ƙara da cewa, yanzu haka Kano Pillars na neman sabon mai horaswa.

Ga duk mai sha’awa sai ya aike da bayanansa zuwa ga adireshin Imel na ƙungiyar.

Amma ya kasance yana da shaidar ƙwarewa ta hukumar ƙwallon ƙafa ta ƙasa mai daraja ta ɗaya a fagen koyarwa.