Da ɗumi-ɗumi: Kano Pillars za ta sanar da sabon mai horar da kungiyar – Malikawa

Shugaban hukumar kwallon kafa ta Kano Pillars, Alhaji Ibrahim Galadima ya ce, kungiyar za ta sanar da sabbin masu horaswa a farkon watan Disambar 2022.

Ibrahim Galadima wanda shi ne shugaban kungiyar na rikon kwarya ya ce, masu horaswar za su jagoranci tawagar sai masu gida a shekarar 2022 da 2023.

Ya ce tuni suka kammala shirye-shirye na wadanda za su zama masu bada shawara a karshen watan Nuwambar da muke ciki.

Ya kuma yi kira ga magoya baya da masu ruwa da tsaki da su kara hakuri, da taimakon Allah kungiyar za ta dawo cikin hayyacinta kamar yanda take a baya.