Dan wasan da ya nuna hazaka ne zai wakilci Najeriya a gasar cin kofin Duniya-Gernot Rohr

Mai horos da ‘yan wasan kungiyar kwallon kafa ta Najeriya Super Eagles Gernor Rohr, ya ce ‘yan wasan kasar da suka nuna hazaka a wasannin sada zuminci da na share fage ne za su wakilci kasar a gasar cin Kofin Duniya.

Kasar Qatar ce dai za ta karbi bakuncin gasar da za’a gudanar a shekara mai kamawa ta 2022.

Qatar 2022: Gernot Rohr ya fitar da sunayen ‘yan wasa 30 a wasan Liberia da Cape Verde

Gernot Rohr ya kuma ce yana da yakinin cewa, da yawa daga cikin ‘yan wasan kasar dake buga wasannin su a kasashen Turai ne za su wakilci Najeriya.

Nigeria dai na daya daga cikin kasashen da suka samu tikitin buga gasar cin kofin Duniyar da za’a gudanar a kasar ta Qatar.