Direba na sakatariya ta duk kiristoci ne – Martanin Pantami ga masu alakanta shi da ta’addanci

Ministan sadarwa da bunkasa fasahar tattalin arziki Dr. Isa Ali Pantami, ya nesanta kansa da zargin alaka da kungiyoyin ‘Taliban da Al-Qa’eda.

A cewar Pantami ko-kadan shi ba makiyin mabiya addinin kirista bane, kamar yadda wasu ke yadawa, domin kuwa direban sa da sakatariyar sa duk mabiya addinin kirista ne.

Dr Isa Ali Pantami ya bayyana hakan ne yayin zantawa da manema labarai.

Ya ce, direban sa mai suna Mai-Keffi mabiyin addinin kirista ne haka ma sakatariyar sa, Nwosu ita ma kirista ce, saboda haka rashin adalci ne a rika alakanta shi da cewa baya kaunar mabiya addinin kirista.