FIFA Ranking: Super Eagles ta dawo mataki na 32

Kungiyar kwallon kafa ta kasa Super Eagles ta dawo mataki na 32 a duniya a cikin jadawalin da hukumar kwallon kafa ta duniya FIFA ta fitar a ranar Laraba.

A baya dai Najeriya ta na a mataki na 3 a Afrika amma yanzu ta dawo ta 4, yayin da kasar Algeria ta dare matakin na 3.

Haka kuma a cikin jadawalin da FIFA ta wallafa a shafinta na Internet a watan Satumba bayan kwashe watanni 6 a na hutun Coronavirus, Najeriya ta samu damar matsawa zuwa mataki na 29 a duniyar kwallon kafa.

Najeriya ta buga wasannin sada zumunta da kasar Algeria da Tunisia, inda ta yi rashin nasara kan Algeria da ci 1 da nema sai kuma ta yi canjaras da Tunisia da ci 1-1.

Hakan ne ya sanya Najeriya ta dawo kasa daga mataki na 29 zuwa mataki na 32 a cikin jadawalin da FIFA ta wallafa ranar Labarar da ta gabata.