FIFA: ‘Yan wasa 8 za su buga wa Najeriya wasa

Hukumar kwallon kafa ta duniya FIFA ta baiwa ‘yan wasan Najeriya guda takwas da aka haifa a kasashen waje damar fara buga wa Najeriya wasanni.

‘Yan wasan sun hadar da Ovie Ejaria dake a kungiyar kwallon kafa ta Reading da Ademola Lookman dan wasan gaba a Fulham da Jordan Torunarigha daga kungiyar Hertha ta kasar Jamus da Nathan Tella dake a Southampton.

Sauran su ne: Tosin Adarabioyo shima dake a Fulham da Noni Madueke a kungiyar PSV da Sheyi Ojo dake a Cardiff City sai kuma dan wasan gaban kungiyar Chelsea da a yanzu haka yake a Cercle Brugge a matsayin aro Ike Ugbo.

Shugaban hukumar kwallon kafa ta Najeriya Amaju Pinnick ya tabbatar da cewa FIFA ta sahalewa Ovie Ejaria wanda aka haifa a kasar Ingila ya fara buga wa Najeriya wasa.