Garkuwa da Mutane: An ceto mutane 19 a jihar Katsina

Gwamnatin jihar Katsina ta ce jami’an tsaro sun yi nasarar ceto mutane 19 cikin 20 da masu garkuwa da mutane suka  yi garkuwa da su.

Tun da fari dai masu garkuwa da mutanen sun tare motar bas dun da mutanen ke ciki a kan hanyar su ta shiga Minna daga jihar Katsina, inda kuma suka yi garkuwa da su.

Rahotanni sun bayyana cewa masu garkuwa da mutanen sun  yi garkuwa da fasinjojin ne a dai-dai Marabar Kankara da misalin karfe 9 na dare a ranar 22 ga watan Maris di da ya gabata.

LABARAI MASU ALAKA

Za’a fara rataye masu garkuwa da mutane a Katsina

An yi garkuwa da dan uwan gwamnan jihar Bauchi

Anyi garkuwa da ‘yan wasa biyu a Firimiyar Najeriya

Sakataren Gwamnatin jihar Mustapha Muhammad Inuwa ne ya bayyana hakan ga manema labarai lokacin da jami’an tsaron suka yi nasarar ceto wasu mata biyu cikin wadanda aka sace din.

Alhaji Mustapha yace za’a kai wadanda aka ceto din zuwa asibitin gidan Gwamnatin jihar don duba lafiyar su, kafin daga bisani kuma a mika su ga iyalan su.