An yi garkuwa da dan uwan gwamnan jihar Bauchi

‘Yan bindiga sun sace yayan gwamnan jihar Bauchi Bala Abdulkadir Muhammed, Alhaji Adamu Muhammed a daren jiya Laraba.

Rahotanni sun ce yan bindigar wadanda suka sace dattijojn da misalin karfe bakwai da rabi, sai da su ka yi ta harba bindiga sama, sannan su ka yi awon gaba da shi a unguwar Jaki da ke cikin garin Bauchi.

LABARAI MASU ALAKA

Da dumi-dumi Gwamnan jihar Bauchi ya kamu da COVID-19

COVID 19: Gwamnan jihar Bauchi ya killace kansa

Mai magana da yawun gwamnan jihar ta Bauchi Mukhtar Gidado ya tabbatar da faruwar lamarin.

Sai dai har kawo yanzu, rundunar yan sandan jihar ta Bauchi ba ta fitar da sanarwa kan faruwar lamarin ba.

Gwamna Bala Abdulkadir Muhammed dai yana killace yana karbar magani sakamakon kamuwa da ya yi da cutar Corona.