Garkuwa da mutane: Dalibai 15 sun kubuta a Kaduna

Karin daliban makarantar Bathel Baptist 15 a Jihar Kaduna da masu garkuwa da mutane suka sace, sun shaki iskar yanci.

Rundunar yan sandan jihar ta tabbatar da kubutar daliban, bayan sun kwashe kwanaki 48 a tsare.

ASP Mohammed Jalige, mai magana da yawun rundunar ne ya tabbatar da hakan, sai dai ya ce basu da tabbacin ko an biya kudin fansa kafin sakin daliban, amma ya ce har yanzu akwai dalibai 65 a hannun su.

Za mu yi duk mai yiwuwa don ceto dalibai – El-Rufai

Rabaran John Hayab shi ne shugaban kungiyar Kiristocin ta kasa CAN reshen jihar, ya tabbatar da sakin daliban a daren Asabar, yayin zantawar sa da manema labarai a Lahadin nan.