Freedom Radio Nigeria

Freedom Radio Nigeria

Labarai

GSS ‘Yar Gaya ta baiwa dalibanta bita ta musamman

Published

on

Makarantar ‘yan mata ta GSS ‘Yar Gaya dake karamar hukumar Dawakin Kudu a nan Kano, ta gabatar da wani taron bita na musamman ga dalibanta a yau Litinin.

Taron bitar wanda aka shirya domin wayar da kan daliban musamman kan yadda zasu rika gudanar da al’amuran su a lokacin hutu, sakamakon hutun karatu na mako guda da suka samu a makarantar.

Daliban makarantar GSS ‘Yar Gaya a yayin bitar.

Tunda farko a jawabinta shugabar makarantar Hajiya Uwani Ahmad Balarabe ta ja hankalin shuwagabannin makarantu dasu rika shiryawa daliban su bita don wayar da kan daliban su da kuma sanin halin da daliban ke ciki.

Hajiya Uwani ta kara da cewa daliban suna bukatar a ware musu lokacin da zasu rika yin wasanni da gasa, da kuma kacici kacici har ma da wasan kwaikwaiyo.

Karin labarai:

Gwamnati ta dakatar da wasu daliban Sakandire a Kano

Daliban Sakandire sun yi zanga-zanga a Bauchi

Har ila yau, Hajiya Uwani ta ce akwai bukatar shuwagabannin makarantu su rika hada kan dalibansu wajen gabatar da wasu wasanni, tana mai cewa hakan wata hanya ce ta janyo daliban a jika, kuma hakan zai kara musu kaifin kwakwalwa.

A nasa jawabin shugaban kungiyar iyayen yara na makarantar, Alhaji Umaru Nata Gandu ya ce yana da matukar muhummanci iyayen yara su rika ziyartar makarantun domin sanin halin da yaransu ke ciki.

Daliban makarantar GSS ‘Yar Gaya a yayin bitar.

Wasu daga cikin daliban sun bayyana farin cikin su da wannan rana, inda suka ce sun karu matuka da jawaban da akayi a yayin taron.

Wakilin mu Shamsu Da’u Abdullahi ya rawaito cewa iyayen yara da shuwagabannin unguwa da dama ne suka halarci taron.

Click to comment

You must be logged in to post a comment Login

Leave a ReplyCancel reply

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv
error: Content is protected !!