Gwamna Ganduje ya kori Muhyi Rimin Gado

Gwmanan Kano Dakta Abdullahi Umar Ganduje, ya kori dakataccen shugaban hukumar karbar korafe-korafe da hana cin hanci da rashawa Barrister Muhuyi Magaji Rimingado daga shugabancin hukumar.

Ta cikin takardar korar da sakataren gwamnati Usman Alhaji ya aikewa Rimingado, ya ce gwamna Kano ya amince da matsayar da majalisar dokoki ta jiha ta cimma na cire shi daga mukamin sa.

A baya dai gwamnatin Kano ta dakatar da Muhyi a watan Yulin 2021, sakamakon bibiyar wasu kwangiloli da aka baiwa wasu kamfanoni da ake zargin suna da alaka da Iyalan gwamnan.