Connect with us

Labarai

Gwamnatin Kano za ta kashe fiye da biliyan uku a ayyukan raya kasa

Published

on

Gwamnatin jihar Kano za ta kashe sama da naira biliyan uku domin gudanar da aiyyukan raya kasa daban -daban a ma’aikatun da suka hadar da ta Ruwa da ma’aikatar Kasa da tsare-tsare da fannin ilimi da suaran su.

Kwamishinan yada labarai na jihar Kano Kwamred Muhammad Garba, ne ya bayyana hakan ga manema labarai a ofishin sa yayin da yake bayyana  sahalewar da majalisar zartaswa ta jihar Kano a zamanta na biyar, karkashin jagorancin gwamnan Jihar Kano da ta yi na kudaden don gudanar da aiyyukan.

Muhammad Garba, ya ce, majalisar zartaswar ta sahale wa ma’aikatar albarkatun Ruwa kudi na naira biliyan biyu, don samar da sinadaran tsaftace ruwa, da samar da wadataccen ruwa a fadin jihar Kano.

Haka kuma ya ce, a wani shiri na hadaka tsakanin tarayyar Turai wato EU,  da asusun  tallafawa kananan yara da ilimi na majalisar dinkin duniya watau UNICEF, na tsaftace ruwa da muhalli gwamnatin jihar ta bada nata kason miliyan 150, don gudanar da aikin.

Kwamishinan ya kara da cewa, majalisar zartaswar ta kuma amince da sakin kudi har naira miliyan 89, don daga darajar karamin asibitin Kafin mai Yaki, dake karamar hukumar Kiru, tare da samar da kayan aiki da Kawata shi don inganta harkokin lafiya a kananan hukumomi tare da rage cunkoso a cikin asibitocin cikin  birni.

Wakilinmu Aminu Halilu Tudun wada, ya ruwaito cewa, majalisar ta kuma sahale da a kashe kimanin naira miliyan 441 da naira miliyan 323 domin gudanar da wasu aiyyukan da suka hada da gyaran motocin daukar dalibai 57 da ciyar da dalibai a makarantun kwana tare da samar da kwamfutoci da Internet a ma’aikatun gwamnati gami da bada horon sanin makamar aiki ga ma’aikatan hukumar ilimi ta jihar Kano.

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 334,951 other subscribers.

Copyright © 2019. Freedom Radio Group. All Rights Reserved.

error: Content is protected !!