Gwamnatin Kaduna ta sanya ranar karshe ta karbar kudin aikin Hajjin badi

Gwamnatin Jihar Kaduna ta ayyana ranar 24 ga watannan da mu ke ciki a matsayin ranar karshe da maniyyatan jihar za su kammala biyan kudin aikin Hajjin badi.

Hakan dai na kunshe ne cikin wata sanarwa da Jami’in Hulda da Jama’a na hukumar, Ibrahim Adamu Datti, ya fitar ga manema labarai.

Hukumar ta ce an sanya karfe goma sha biyu na rana a matsayin lokacin da wa’adin zai cika.

Sanarwar ta kuma gargadi maniyyatan da ba su kammala biyan kudin ba kafin lokacin cewa za su iya rasa gurabensu na aikin Hajjin 2027.

Ya ce tun da farko hukumar kula da aikin hajji ta kasa NAHCON, ta bai wa jihar wa’adin tura kudaden zuwa 2 ga Disamba, sai dai daga baya aka matsar da wa’adin zuwa ranar 24 ga Satumbar wannan shekarar.

Hukumar ta bukaci maniyyatan da su gaggauta kammala biyan kudaden kafin wa’adin ya cika.