Rundunar Sojin Najeriya ta karbi ’yan ta’adda 11 da suka miƙa wuya

Rundunar Sojin Najeriya ta karbar ’yan ta’adda 11 da suka miƙa wuya.

Bayanin hakan na kunshe a cikin sanarwar da Muƙaddashin Jami’in Yaɗa Labaran Operation Hadin Kai, Kyaftin Mohammed Goni, ya fitar a ranar Talata.

Sanarwar ta ce ’yan ta’addan sun miƙa wuya ne a tsakanin ranakun 15 zuwa 22 ga Satumbar da muke ciki.

Haka zalika ta ce a cikin wannan lokaci rundunar ta ƙwato mota, harsasai da wasu kayayyakin aiyyukan ta’addanci.

Rundunar ta kuma sha alwashin ci gaba da fatattakar ƴan taʼadda.