Gwamnatin Kano ta dakatar da shugabannin asibitin Abubakar Imam Urology

Gwamnatin jihar Kano, ta dakatar da shugabannin asibitin lura da masu fama da cutar yoyon Fitsari na Abubakar Imam Urology, har sai an kammala binciken rashin bin dokokin aiki da zargin badakalar kudi da ake yi musu.

Hakan na cikin wata sanar da jami’ar hulda da jama’a ta hukumar kula da asibitocin jihar Samira Sulaiman ta fitar.

Sanarwar ta ayyana sunan dakta Atiku Adamu da kuma Dakta Kabiru Ahmad a matsayin wadanda aka dakatar bisa zarge-zargen da sauran laifuka.