Zamu gudanar da zanga-zanga a jihar Kano -NARD

Ƙungiyar likitoci masu neman kwarewa ta ƙasa shiyyar Aminu Kano dake a Kano ta musanta cewar gwamnatin tarayya ta zauna da ƙungiyar likitocin.

Shugaban ƙungiyar Dakta Haruna Yakubu ne ya bayyana haka yayin zantawa da Freedom radiyo.

Ya kuma ce kungiyar ta shirya tsaf domin fita Zanga-zangar da uwar ƙungiyar ta ƙasa ta shirya gudanarwa a ranar Laraba mai zuwa.