Gwamnatin Kano ta rufe gidan daukar fina-finai a Dorayi

Gwamnatin Jihar Kano ta rufe Gidan daukar shirin fina-finai a Unguwar Bello da ke Dorayi Karamar Hukumar Gwale wanda jarumin masana’antar Kannywood Sultan Abdurrazak ya samar.

Da ya ke zantawa da manema labarai Jim kadan Bayan rufe Gidan shugaban kwamitin kar-ta-kwana mai aikin dakile gine-gine da Ba su cika ka’ida ba, kuma shugaban riko na Hukumar tsara Birane ta Jihar Kano Dakta Dalhatu Aliyu Sani, ya ce Gurin zai cigaban da Zama a rufe har sai Gwamnati tayi nazari.

Sai dai wasu matasa a Unguwar ta Dorayi sun nuna rashin goyon bayansu kan rufe gidan.

Kwamitin ya kuma bayyana cewa zai ci gaba da bibiyar duk wani ginin da ya dakatar ko kuma wanda ake yinsa ba bisa doka ba, domin daukar matakin da ya kamata.