Gwamnatin Legas za ta bude makarantu a watan Agusta

Gwamnatin jihar Legas ta sanar da cewa za ta bude makarantu a ranar uku ga watan Agustan 2020.

Sai dai gwamnatin ta ce daliban aji uku da kuma shida ne na makarantun sakandire aka yarjewa su koma makaranta.

Gwamnatin jihar ce ta bayyana hakan a shafinta na Twitter, inda ta ce an bawa daliban damar komawa karatu domin rubuta jarabawa.

Daga cikin daliban da ake sa ran za su koma karatu, akwai daliban aji shida a makarantun firamare, sai daliban aji uku da aji shida a makarantun sakandire.