Hukumar kwallon kafa ta Ingila tace ba zata laminci cin zarafin ‘yan wasa ba

Hukumar kwallon kafa ta kasar Ingila tayi All… wadai da cin zarafin wasu ‘yan wasan kasar biyo bayan rashin nasara kan Italiya a wasan karshe na gasar cin kofin nahiyar Turai ta Euro 2020.

Yayin da kasashen suka yi kunnen doki da ci 1-1, hakan ne ya sanya zuwa bugun daga kai sai mai tsaro raga a wasan da aka gudanar ranar Lahadi 11 ga watan Yulin 2021.

Kasar Italiya dai ta doke Ingila da ci 3-2, inda ‘yan wasa Marcus Rashford da Jadon Sancho da kuma Bukayo Saka suka zubar wa da kasar Ingila.

Sakamakon haka ne wasu daga cikin magoya bayan kasar ta Ingila ke ganin beken ‘yan wasan uku kasancewarsu bakake.

Hukumar ta ce, “Munyi mamaki da ake nuna wa wasu ‘yan wasanmu wariyar launin fata, a don haka ba za mu yadda da duk wani nau’in nuna wariya ba.”