Hukumar wasan gudu da tsalle-tsalle ta Najeria ta fitar da ka’idojin zabe

Hukumar wasannin guje-guje da tsalle-tsalle ta kasa AFN ta sanar da fara sayar da fam din neman takara a zaben hukumar dake karatowa.

Sakataren kwamitin gudanar zaben hukumar Siminialayi Pepple ne ya bayyana hakan ta cikin wata sanarwa da ya fitar.

Sanarwar mai dauke da ka’idojin zaben, ta ce, za a gudanar da zaben ne a ranar 14 ga watan Yunin 2021 a jihar Kebbi.

Pepple ya kuma ce, duk wanda ke bukatar tsayawa takarar neman wata kujera a hukumar sai ya ziyarci shafinta a karfar Internet domin cike fam din kafin ranar 12 ga watan na Yuni.