Ime Udoka ya zama gwarzon mai horar wa na watan Afrilu

Mai horar da ƙungiyar ƙwallon kwando ta Boston Celtics dake buga gasar ƙwallon kwandon Amurka ta NBA, ɗan asalin Najeriya Ime Udoka, ya zama gwarzon mai horar wa na watan Afrilu.

Hakan ya biyo bayan ƙoƙari da yin rawar gani da tawagar ta Boston Celtics , ta taka a cikin watan da hakan ya sa mahukuntan gasar ta NBA suka zabe shi a gwarzon.

A bangare ɗaya shima mai horar da ƙungiyar Dallas Maverick Jason Kidd , ya zama gwarzon mai horar wa na watan Maris daga ɓangaren Yammaci na gasar wato ‘Western confrence’.

Ime Udoka, ya wakilci yankin Gabashin gasar wato ‘Eastern Confrence’.