INEC ta sanya ranar 9 ga Satumba domin zaɓen cike gurbi a Dawakin Kudu

Hukumar Zaɓe Mai Zaman Kanta ta Ƙasa, INEC, ta sanya ranar Asabar, 19 ga Satumba, 2026 domin gudanar da zaɓen cike gurbi a mazabar Dawakin Kudu ta Jihar Kano.

Hukumar ta bayyana cewa za a kuma gudanar da irin zaɓen a mazabun Gombe/Kwami/Funakaye na Jihar Gombe da Sakwa da Disina a Bauchi da kuma Udu a Delta.

A cewar INEC, za a fara kaɗa ƙuri’a daga ƙarfe 8:30 na safe zuwa 2:30 na rana a rumfunan zaɓen da aka ware.

Zaɓukan na da nufin cike guraben da suka samu sakamakon rasuwa, murabus ko wasu dalilan da suka sa kujerun ’yan majalisar suka zama babu wakilai.