INEC ta sanya ranar zaɓen cike gurbi a kujeru biyu na Majalisar Dokokin Jihar Bauchi

Hukumar Zaɓe ta Ƙasa, INEC, ta sanya ranar 19 ga Satumba ta 2026 domin gudanar da zaɓen cike gurbin a kujeru biyu na Majalisar Dokokin Jihar Bauchi.

Zaɓen zai gudana ne a mazabar Sakwa da ke ƙaramar hukumar Zaki, da kuma Disina a ƙaramar hukumar Shira.

Kujerar Sakwa ta zama babu kowa A kai ne bayan rasuwar ɗan majalisar da ke wakiltar yankin, yayin da ɗan majalisar Disina ya yi murabus domin neman kujerar shugabancin ƙaramar hukuma.

Kwamishinan Zaɓe na INEC a jihar Bauchi, Umar Ibrahim, ya ce jam’iyyun siyasa za su gudanar da zaɓen fidda gwani daga 21 zuwa 25 ga Agusta.

Ya ce kuma za a fara yakin neman zaɓe a hukumance daga 9 zuwa 17 ga Satumba, kafin gudanar da zaɓen a ranar 19 ga watan.

INEC ta bukaci jam’iyyun siyasa da ‘yan takara su bi dokokin zaɓe da jadawalin hukumar, domin tabbatar da gudanar da zaɓen cikin gaskiya da lumana.