Connect with us

Labarai

Iyaye su umarci ‘ya’yansu sauraron Rediyo don koyon karatu

Published

on

Wani malamin makarantar Sakandare a nan Kano ya ja hankalin iyaye wajen ganin sun sanya ‘ya’yansu suna sauararon shirye-shiryen koyar da karatu da ake gabatarwa a gidajen rediyo, a sakamakon hutun da aka bayar don kaucewa yaduwar cutar Covid-19 a Kano.

Malam Nura Muhammad ne ya bayyana hakan jim kadan bayan kammala shirin Barka da Hantsi na nan Freedom Radiyo wanda ya tattauna kan shirin koyar da daliban ta kafar yada labarai da dan majalisar Wakilai mai wakiltar karamar hukumar Birnin Kano Sha’aban Ibrahim Sharada ya dauki nauyi.

Nura Muhammada ya kuma kara da cewar duba da koma bayan da daliban ka iya samu a bangaren karatun na su sanadiyyar rashin zuwa makarantar ya sa suka zabo wasu daga cikin muhimman darussa guda shida, da suka hadar da lissafi da Ingilishi, don kara zaburar da su.

A na sa bangaren wani makusancin dan majalisar mai suna Alhaji Abubakar Kingibe, cewa ya yi sun samar da tsrin ne don amfanar da al’ummar jihar Kano ta fannin ilimin.

Ya kuma shawarci dabilan da su mayar da hankali wajen sauraron shirin da ake gudanarwa domin bunkasa fahimtarsu.

Click to comment

You must be logged in to post a comment Login

Listen Live

Freedom Radio Kano 99.5 FM Freedom Radio Kaduna 92.9 FM Freedom Radio Dutse 99.5 FM Dala FM Kano 88.5

Now Streaming

Subscribe to Freedom Radio via Email

Enter your email address to subscribe to this site and receive notifications of new posts by email.

Join 332,894 other subscribers.

Copyright © 2019. Freedom Radio Group. All Rights Reserved.

error: Content is protected !!