Jam’iyyar ADC ta Jigawa ta dakatar da mamba a kwamitin gudanarwata

Jam’iyyar ADC a Ƙaramar Hukumar Buji ta Jihar Jigawa ta dakatar da mamba a kwamitin gudanarwa na jam’iyyar, Aliyu Gantsa, na tsawon watanni 12 bisa zarginsa da aikata abubuwan da suka saɓa wa muradun jam’iyyar.

Hakan na cikin wata sanarwa ta haɗin gwiwa da shugabannin jam’iyyar suka fitar a Dutsen jihar ta Jigawa.

Sanarwar ta ce dakatarwar ta fara aiki ne daga jiya Litinin 19 ga watan Oktoban da muke ciki, inda dakatarwar zata ƙare a ranar 19 ga watan Oktoban, 2027.

Sanarwar, wadda shugabannin jam’iyyar na rumfar zaɓen mazabar Gantsa dake ƙaramar hukumar Buji suka sanya wa hannu, ta ce an ɗauki matakin ne bayan nazarin batutuwan da suka shafi ladabtarwa, haɗin kai da bin ƙa’idojin gudanar da jam’iyyar.

Ta ƙara da cewa kwamitin zartarwa na jam’iyyar na mazabar Gantsa ya amince da dakatarwar a ranar 5 ga watan Oktoba, yayin da kwamitin gudanarwa na ƙaramar hukumar Buji ya amince da ita ranar 16 ga watan na Oktoban da muke ciki.