Jigawa: yan sanda sun kama matashin da ake zargi da satar Babura

Rundunar yan sandan jihar Jigawa, ta kama wani matashi da ake zargi da satar Babura.

Haka kuma, runduna, ta ce, ta kwato wasu Babura guda biyu daga wurinsa.

Rundunar, ta bayyana hakan ne ta cikin wani sakon murya da jami’inta na hulda da jama’a SP Lawan Shi’isu Adam ya aiko wa Freedom Radio.

Ya kuma bayyana cewa, kamen ya biyo bayan wani korafi da suka karba daga wasu mutane kan sace musu Babura.