Connect with us

Addini

Kano: an zargi kwamitin abincin musabaqa da karkatar da kudin masu girki

Published

on

Wasu mata da su ka gudanar da kwantiragin girke-girken abinci a yayin gasar musabakar Alqur’ani wanda aka kammala a baya-bayan nan a Kano sun koka kan yadda suka dace kwamitin kula da abinci na gasar ya zambace su wajen basu abin da bai taka kara ya karya ba.

Gamayyar matan sun ce, sun kwashe tsawon kwanaki goma sha daya suna gudanar girkin abinci, amma bayan kammala musabaqar sai kawai aka basu naira dubu goma, wanda suka ce yayi kadan da yawa.

A bangare guda sun kuma zargi kwamitin kula da abinci na gasar musabaqar da danne musu wasu kudade naira dubu dari da su k ace mataimakin gwamnan jihar Kano Nasiru Yusuf Gawuna ya basu.

A zantawa da wasu daga cikin matan su ka yi da tashar freedom radio, sun ce, kwamitin abincin ya karbi gudunmawa mai yawa da sunan su, amma kuma ko da sisin kwabo ba a basu a ciki ba.

Malama Amina Umar wadda ita ce ta jagoranci matan, ta ce, ba za su yadda da sallamar naira dubu goma-goma ba a aikin kwanaki goma sha daya.

Sai dai da ya ke mai martani, Alhaji Abubakar Na’abba wanda shi ne sakataren kwamitin kula da Abincin, ya musanta cewa an bai wa matan naira dubu goma ne kacal, yana mai cewa, kudaden da aka basu ya kai naira dubu goma sha daya da dari biyar .

‘‘A duk kwanaki goma sha daya da su ka yi suna zuwa aikin dafa abinci, mun rika basu naira dari biyar-biyar duk rana, saboda haka su ce wai dubu goma kawai mu ka basu, wannan ba gaskiya bane’’ a cewar sakataren kwamitin kula da abincin musabaqar.

Click to comment

You must be logged in to post a comment Login

Listen Live

Freedom Radio Kano 99.5 FM Your browser does not support the audio element. https://stream.zeno.fm/t8bhnmek8mzuv Freedom Radio Kaduna 92.9 FM Your browser does not support the audio element. https://stream.zeno.fm/5z9v4k7e9mzuv Freedom Radio Dutse 99.5 FM Your browser does not support the audio element. https://stream.zeno.fm/wp75as7e9mzuv Dala FM Kano 88.5 Your browser does not support the audio element. https://stream.zeno.fm/9zdvuszaanzuv

Now Streaming

Copyright © 2019. Freedom Radio Group. All Rights Reserved.

error: Content is protected !!