Kasafin Kudi 2021: Najeriya za ta kashe sama da Naira tiriliyan 13

Fadarsa shugaban kasa ta amince da Naira tiriliyan 13.08 a matsayin kudirin kasafin kudi na shekarar 2021.

Ministar Kudi, da Tsare-tsaren Kasa, Hajiya Zainab Ahmed ce ta sanar da hakan a ranar Laraba a wata hira da manema labarai, bayan kammala taron majalisar zartaswa ta tarayya a Abuja.

Ministar ta ce an gabatar da shawarar ne don samar da ci gaba ta yadda za a samar da ayyukan yi.