Majalisar Dokoki ta sake sahale wa Abba Gida-gida nada mutane 20 mukamin SA

Majalisar dokokin jihar Kano, ta amince wa gwamna Engr Abba Kabir Yusuf, ya naɗa ƙarin mutane 25 a matsayin masu ba shi shawara na musamman.

Majalisar ta amince ne bayan da shugabanta Jibril Isma’il Falgore, ya karanta wasiƙar buƙatar hakan da gwamnan ya aike mata.

Ta cikin wasiƙar, gwamnan, ya ce, zai naɗa mutanen ne domin ƙara samun damar gudanar da gwamnatinsa yadda ya kamata.

Wakilinmu na majalisar Auwal Hassan Fagge, ya ruwaito cewa majalisar ta kuma gudanar da addu’a ta musamman ga tsohon shugaban shugaban majalisar marigayi Alhaji Yusuf Abdullahi Falgore, da ya rasu jiya Lahadi, tare da yin addu’a ga wasu fitattun mutane da suka rasu a nan Kano ciki har da tsohon dan majalisar da ya taba wakiltar Karamar hukumar Dala.