Mariri Market Cup: Layin Auwalu Ragabza ya samu nasarar zuwa wasan karshe

A Ci gaba da gasar cin kofin Mariri Cola Nut Market, da ake kira da Chairman Cup, wasan da aka buga jiya Lahadi 17 ga watan Oktobar 2021 tsakanin kungiyar kwallon kafar Layin Auwalu Ragabza da Layin Sabo Currency.

Layin Auwalu Ragabza ya samu nasarar zuwa wasan karshe a gasar.

Hakan ya biyo bayan nasarar da ya samu a kan Layin Sabo Currency da ci 2-0 a jiya.

Dan wasan Layin Auwalu Ragabza Auwalu Sina, ne ya zura kwallayen data basu nasarar a mintuna na 10 da 35 da fara wasan.

Yanzu dai Layin Auwalu Ragabza zai buga wasan na karshe tsakanin FC Kwata ko Layin Sunusi Dan Mande.