Ministoci da gwamnoni ku dinga girmama umarnin ‘yan majalisa – Buhari

Shugaban kasa muhammadu Buhari ya gargadi minstocin kasar nan da gwamnoni dasu rika girmama umarnin da majalisun dokokin kasar nan da suke bayar a kowani matakai.

Hakan na cikin wata sanarwar da ma shawarcin shugaban kasa kan harkokin yada labarai mallam Garba Shehu ya fitar.

A cewar sanarwar shugaban kasa muhammadu Buhari ya bayyana hakan ne lokacin da yake ganawa da shugabanin majalisun biyu a jiya Alhamis.

Yayin ganawar,shugaba Buhari da shugaban Majalisar dattijai Ahmad Lawan da takwaransa na wakilai Femi Gbajabiamila sun koka kan yanda wasu daga cikin ministocin kasar nan basa biyayya ga umarinin Majalisar.

Ganawar  tsakanin shugabanin  da aka shafe tsawon awani ana gudanarwa ana tattauna mahimman abubuwa da suka shafi kasa da suka  hadar da harkokin tsaro, kamar yanda sanarwar ta bayyana.