Mun raba sama da naira biliyan 56. ga kananan yan kasuwa – Buhari

Gwamnatin tarayya ta raba sama da naira biliyan Hamsin da shida da miliyan takwas ga wadanda suka ci gajiyar shirin tallafawa kanana da matsakaitan yan kasuwa.

Ministar masana’antu da kasuwanci da zuba hannun jari ta kasa Maryam Katagum ce ta bayyana hakan ta cikin wata sanarwar da ta fitar.

Ta ce, rabon kudin shi ne irin sa mafi girma da aka taba gani karkashin shirin farfado da tattalin arzikin Najeriya, ta asusun tallafawa kanana da matsakaitan masana’antu.

Mariam Katagum ta kuma ce, hasashen su na gaba zai tallafawa sama da mutane dubu dari biyar a jihohin kasar nan 36 ciki har da birnin tarayya Abuja.