Mutane 4 sun rasu a hatsarin mota

Kimanin mutane Hudu ne suka rasa rayukansu a wani hatsarin mota da ya auku a babbar hanyar Okolowo jihar Kwara.

Rahotani sun bayyana cewa manyan motoci biyu ne sukayi taho mu gama wace Daya daga ciki ke dauke da man Fetur Lita dubu Arba’in da biyar yayin da dayar ke makare da waken suya.
Shaidun Gani da Ido sun bayyana yadda guda daga cikin motoci Mai dauke da manfetur din ta rasa daidaito sakamakon fashewar Taya , inda ta bigi wata karamar Mota Mai dauke da lemukan Sha, take kuma ta kama da wuta.

A cewar shaidun gani da ido yayin zantawarsu da manema labarai, wutar ta kuma bazu inda ta kama wasu dalibai Uku da kuma mutane biyu dake tuka babura Mai kafa Uku, Wanda yanzu haka suke Asibiti don karbar kulawar gaggawa .