Mutane sama da dubu 65 sun kamu da kwalara cikin kwanaki 5 a kasar nan – NCDC

Hukumar daƙile cutuka masu yaɗuwa ta ƙasa NCDC ta ce mutane 65,145 ne suka kamu da cutar kwalara a jihohin 23 cikin kwanaki biyar.

Hukumar ta ce cikin wannan adadi mutane dubu 2,141 ne suka mutu sanadiyyar cutar.

A cewar rahoton na NCDC jihar Bauchi na da mutane 855 sai Katsina mai 396 inda jihar Kano ta ke da 306 waɗanda suka kamu da cutar kwalara.

Sauran jihohin sun hadar da jihar Yobe mai mutane 162, sai Zamfara 80 sai Neja mai mutane 78 inda Borno ta ke da 67.

Sauran su ne, Sokoto 45, Kaduna 41, Gombe 21 Abuja 18, Kebbi 17, Adamawa 15, Taraba 13 Nasarawa 10, Plateau 2 sai Jigawa 1.