Najeriya: An yi wa mutane 800,000 riga-kafin corona

Kusan wata guda bayan fara allurar riga-kafin cutar covid-19 a Najeriya, ya zuwa yanzu akalla mutane sama da dubu dari takwas ne aka yiwa riga-kafin na corona a sassa daban-daban na Najeriya

Ya zuwa jiya Alhamis mutane dubu dari takwas da goma sha takwas da dari takwas da sittin da biyar ne aka yiwa riga-kafin na corona.

Hakan na cikin wani sako ne da hukumar kula da lafiya a matakin farko ta kasa ta wallafa a shafinta na internet.