Najib Hamza ya janye daga takarar Sanatan Kano ta tsakiya

Ɗan takarar kujerar majalisar Sanatan Kano ta tsakiya na Jam’iyyar PRP a zaɓen shekerar 2027 da ke tafe Alhaji Najib Hamza, ya sanar da janyewa daga takarar, inda ya shaida cewa ya fasa yin takarar ne saboda wasu dalilai na ƙashin kansa.

Alhaji Najib Hamza, ya bayyana janyewa daga takarar ne yayin ganawarsa da manema labarai yau Alhamis a nan Kano.

Ya ce, ya janye daga takarar ne bisa ra’ayin ƙashin ƙansa inda kuma ya bai wa magoya bayan jam’iyyar ta PRP haƙuri bisa matakin da ya ɗauka.

Ya ce, “Ko kaɗan ban ƙulla wata yarjejeniya da gabanin wannan shiri nawa ba, kawai dai na yi haka ne bisa ra’ayina, kuma za mu jira nan da ɗan wani lokaci domin ganin mataki na gaba da za mu ɗauka.”

Haka kuma, ya tabbatar da cewa babu wata alaƙa da ya ƙulla da wani ko kuma wata jam’iyyar kan batun janyewar tasa ya na mai cewa zai ci gaba da kasancewa mamba a PRP ta re da ci gaba da kula da mambobinta.