NCDC : Yawan masu dauke da cutar Corona ya zarta dubu 69 a Najeriya

Hukumar dakile yaduwar cutuka ta kasa NCDC ta ce, a jiya Lahadi an samu Karin mutane 318 masu dauke da cutar a Corona a jihohi 13 na kasar nan da birnin tarayya Abuja.

Haka na cikin sanarwar da NCDC ta fitar a shafinta na Twitter, inda ta ce, yanzu haka adadin wadanda suka kamu da cutar ya kai 69,255.

Mutum 64,774 sun warke, sai guda 1,180 da cutar ta hallaka.
A nan Kano ma ma’akatar lafiya ta jiha ta ce, an samu Karin mutum 14 masu cutar cikin 348 da aka yiwa gwaji a jiya Lahadin.

Zuwa yanzu mutane 1,819 suka kamu da cutar a Kano, an sallami 1,713 bayan da suka warke, sai mutum 54 da cutar ta yi ajalin su.

Yanzu haka masu Corona 52 suka rage wadanda ke jiyya a nan Kano, a cewar ma’aikatar lafiyan.
To nan gaba kadan, zaku ji yadda wasu hukumomi suka musanta wani rahoton gwamnatin Kano kan yawaitar masu cutar ta Corona.