Rashawa : An gayyaci Garba Ramat don amsa tambayoyi a Kano

Hukumar yaƙi da rashawa ta jihar Kano ta gayyaci shugaban hukumar lura da ƙwaryar birnin Kano Engr. Abdullahi Garba Ramat domin amsa tambayoyi kan wasu zarge-zarge.

Shugaba hukumar Muhyi Magaji Rimin Gado shi ne ya tabbatar wa da Freedom Radio hakan.

Wata majiya dai ta ce, ana zargin Ramat ɗin da karkatar da miliyoyin kuɗi zuwa ga wasu kamfanoni mallakin sa a matsayin ɗan kwangila.