NFF ta nada Austin Eguavoen sabon darakta

Kwamitin gudanarwar hukumar kwallon kafa ta kasa NFF ya nada tsohon mai horas da kungiyar kwallon kafa ta kasa Super Eagles Austin Eguavoen a matsayin sabon darakta da zai fara aiki nan take.

NFF ta bayyana hakan ne a wata sanarwa da ta rabawa manema labarai a ranar Talata.

Rahotanni sun ce, kungiyar kwallon kafa ta kasar Mali na dab da daukar Eguavoen a matsayin mai horas wa.

A wata tattaunawa da Jaridar Punch tayi dashi ya ce, “Hakika ina tattaunawa da kasar ta Mali amma idan har kasata Najeriya ta bani aiki tofa zan dawo gida domin ina matukar kaunar cigaban kasata.”