NFF: Ta tsaida ranar dawowa cigaba da gasar NPFL

Hukumar kwallon kafa ta kasa NFF ta bada umarnin dawowa ci gaba da gasar cin kofin kwararru ta kasa na kakar wasa ta shekarar 2020/2021 a ranar 15 ga watan Nuwamba mai zuwa.

NFF ta cimma wannan matsaya ne bayan kammala taron kwamitin gudanarwa da aka yi ta kafar Internet ranar Talata 20 ga watan Oktoba.

Hakan ya biyo bayan dage dokar dakatar da wasanni da kwamitin gwamnatin tarayya na karta kwana kan cutar COVID-19 ya kafa.

An dai dakatar da gasar ne a watan Maris na shekarar 2020 sakamakon barkewar annobar cutar Corona.