NPFL: Sunshine Stars ta nada sabon mai horaswa

Kungiyar kwallon kafa ta Sunshine Stars ta nada Gbenga Ogunbote a matsayin sabon mai horas da kungiyar.

Ogunbote zai yi aiki da kungiyar a karo na biyu, bayan da ya jagoranci dayan tsagin kungiyar dake a garin Akure a shekarar 2012 zuwa ga kaiwa wasan kusa da na karshe a gasar cin kofin kwararru na kasa.

Hukumar kula da kwallon kafa ta jihar Ondo wadda kuma ke jagorantar harkokin wasannin kungiyar ta Sunshine ce ta sanar da nada mai horas wa Ogunbote a garin Akure dake jihar ta Ondo.

Shugaban hukumar ta jihar Tajudeen Akinyemi, ya ce, “An zabi Ogunbote ne a matsayin mai horas da kungiyar duba da kwarewarsa da kuma sanin makamar aikin horas wa a kasar nan.”