NPFL: Za a dawo ranar 6 ga watan Disamba

Za a dawo ci gaba da gasar cin kofin kwararru ta Najeriya wato NPFL na kakar wasa ta 2020 zuwa 2021 a ranar 6 ga watan Disamba.

Yayin da kamfanin dake shirya gasar ya fitar da jadawalin wasannin, kungiyar kwallon kafa ta Enyimba za ta karbi bakuncin Abia Warriors a ranar farko bayan an dawo.

Enyimba dai ta sha lashe gasar tare da daukar kofin har sau takwas a baya.

A rana ta biyu kuma Kwara United za ta karbi bakuncin Aba Elephants a garin Ilorin dake jihar.

Kamar yadda kamfanin dake shirya gasar ya wallafa, za a kawo karshen gasar a ranar hudu ga watan Yulin shekarar 2021.